Дуальды оқыту - экономиканың нақты секторының талаптарына барынша жақын кадрларды даярлаудың ең тиімді нысандарының бірі. Қазіргі уақытта университет аймақтың және республиканың бірқатар жетекші кәсіпорындарымен бірлесіп дуальды білім беру бағдарламаларын сәтті жүзеге асыруда, олардың ішінде:

  • "Allur"автомобиль компаниясы,
  • «Казцинк» ЖШС,
  • Цифрландыру және мұрағаттар басқармасы "Ақпараттық технологиялар орталығы" КММ»,    
  • «АЭС Өскемен ГЭС» ЖШС,
  • «Согра ЖЭО» ЖШС,
  • «Өскемен Водоканал» КМК МКК,
  • «Қарадала орман шаруашылығы» ҚМУ,
  • «АСС Қорған» ЖШС.

Дуальды оқытудың мақсаты - еңбек нарығында сұранысқа ие, кәсіби құзыреттіліктердің кең спектріне ие бәсекеге қабілетті кадрларды тәжірибеге бағдарланған даярлау үшін университет пен өндірістің өзара іс-қимыл жүйесін құру.

Тапсырмалар:
  • университетте оқытудың өндірістегі (ұйымдағы) кәсіби қызметпен байланысын нығайту;
  • нақты өндірістік жағдайларда білім алушыларға білікті мамандардың кәсіби тәжірибесін беру үшін жағдайлар жасау;
  • кәсіпорындардың (ұйымдардың)талаптарына дәл сәйкес келетін нақты технологиялық процестерге кадрлар даярлау;
  • университет түлектерін табысты жұмысқа орналастыруға көмек көрсету.
Кадрларды даярлау нысаны

 

ЖОО бойынша дуальды оқытуды ұйымдастыруды регламенттейтін негізгі құжаттар:
  • «Жоғары және (немесе) жоғары оқу орнынан кейінгі білім беру ұйымдарында дуальды оқытуды ұйымдастыру қағидаларын бекіту туралы» Қазақстан Республикасы Ғылым және жоғары білім министрінің 2023 жылғы 27 шілдедегі № 361 Бұйрығы.
  • 14.08.2025ж. Е «ШҚТУ» КЕАҚ 143-II-2025 «Д.Серікбаев атындағы ШҚТУ» КЕАҚ Дуалды оқытуды ұйымдастыру туралы ереже.
Дуальды оқытуды ұйымдастыру кезеңдері:

Университеттің құрылымдық бөлімшелерінің функционалдық міндеттері
Академиялық қызмет басқармасы
  • сабақ кестесін жасайды;
  • білім беру үдерісінің сапасын бақылауды жүзеге асырады;
  • білім алушыларды аралық аттестаттаудан өткізеді.
Мансап орталығы
  • дуальды оқытуды ұйымдастыру туралы ережені әзірлейді және уақтылы жаңартады;
  • дуальды оқыту шеңберінде университетпен ынтымақтастықты жоспарлайтын кәсіпорындардың (ұйымдардың) тізбесін айқындайды;
  • кәсіпорынмен (ұйыммен) дуальді оқыту туралы шарттар жасасады (1, 2-қосымша);
  • университет сайтында дуальды оқытуды бірлесіп іске асыру туралы шарттары бар кәсіпорындардың (ұйымдардың) тізбесін орналастырады;
  • академиялық кезең басталғанға дейін кемінде 10 күн бұрын Мектеп деканатының қызметтік жазбасы негізінде дуальды оқытуды ұйымдастыру туралы бұйрықтың жобасын шығарады;
  • қажет болған жағдайда кәсіпорындар мен университет қызметкерлерін тарта отырып жұмыс топтарын құрады;
  • тәлімгерлердің есептері бойынша оқу жылы үшін дуальды оқытуды іске асыру туралы университет бойынша жылдық есеп жасайды.
Университет мектептері
  • дуальді оқыту ұйымына сәйкес штат кестесін бекітеді;
  • қызметтік жазбаны (3-қосымша) және сабақ өткізу кестесін (5-қосымша) ресімдейді;
  •  дуальды оқытудың жұмыс оқу жоспарларын әзірлейді және бекітеді;
  •  силлабус негізінде дуальды оқыту бағдарламасын әзірлейді, келіседі және бекітеді;
  • білім алушылардың сабаққа қатысуын және ағымдағы үлгерімін қадағалайды.
Кәсіпорындар
  • Дуальді оқытудың жұмыс оқу жоспарларын, сабақтарды өткізу кестесін, силлабус негізінде дуальді оқыту бағдарламаларын келіседі;
  • кәсіпорыннан кадрлармен қамтамасыз етеді;
  • өндірістік оқыту мен кәсіптік практикаға орын ұсынады;
  • білім алушылардың орындайтын жұмыстарының сапасын бақылауды жүзеге асырады;
  • университет білім алушыларын аралық аттестаттауға қатысу үшін кәсіпорынның (ұйымның) өкілдерін ұсынады;
  • кәсіпорынның (ұйымның) тәлімгері дуальды оқытуды ұйымдастыру қорытындылары бойынша оқу жылының соңында есеп қалыптастырады және ағымдағы жылдың 1 маусымға дейін мансап орталығына жібереді.
Дуальды оқытумен қамту

 

2024-2025 оқу жылы

2025-2026 оқу жылы
Серіктес кәсіпорындар саны 4 8
Білім беру бағдарламаларының саны 7 11
Студенттер саны 156 329

Университет серіктестік желіні кеңейтуге және нығайтуға басты назар аудара отырып, дуальды оқытуды дамыту бойынша жүйелі жұмыс жүргізуде. Бұл бағытта біз шаралар кешенін іске асырып жатырмыз:

  • Серіктестерді тарту: дуальды оқыту туралы жаңа шарттар жасасу бойынша жұмыстар белсенді жүргізілуде.
  • Білім беру мазмұнын өзектендіру: жұмыс берушілердің өзекті талаптарын ескере отырып, оқу жоспарлары мен жұмыс бағдарламалары үнемі жаңартылып отырады, сондай-ақ икемді модульдік бағдарламалар әзірленуде.
  • Тәлімгерлерді қолдау: студенттерді практикалық даярлау сапасын арттыру үшін кәсіпорындардан тәлімгерлерді ақпараттық-консультациялық қолдау ұйымдастырылды. Осы жұмыс аясында дуальды модельдің принциптері түсіндіріліп, педагогика негіздері бойынша сабақтар өткізіледі.
  • Бірыңғай байланыс нүктесі: біздің серіктестерімізге ыңғайлы болу үшін университетте дуальды оқытудың барлық мәселелері бойынша "бір терезе" рөлін атқаратын жауапты үйлестіруші тағайындалды.
Бұл тәсіл түлектерге тек білім алуға ғана емес, сонымен қатар еңбек нарығында сұранысқа ие нақты құзыреттіліктерге ие болуға, ал кәсіпорындарға болашақ мамандарды нақты өндірістік міндеттерге дайындауға мүмкіндік береді.

Соңғы өзгерістер күні:
19.11.2025