Халықаралық инженерия мектебі – қазіргі өндіріс пен ғылымның ең сұранысқа ие бағыттарында жоғары білікті инженерлерді даярлайтын жетекші құрылымдардың бірі.
Мектеп бакалавриат, магистратура және докторантура деңгейлерін қамтитын кең ауқымды білім беру бағдарламаларын ұсына отырып, инженерлік құзыреттерді қалыптастыруға кешенді көзқарас қамтамасыз етеді.
Оқытудың негізгі қағидаларының бірі – практикалық бағыттылық. Студенттер алған білімдерін зертханалық жұмыстарда, ғылыми-зерттеу жобаларында және саланың жетекші компаниялары мен ұйымдарындағы тағылымдамалар барысында белсенді түрде қолданады.
Халықаралық инженерия мектебінің түлектері терең теориялық біліммен қатар инженерлік саладағы нақты тәжірибеге ие болып шығады, өндірістік үдерістерге озық технологияларды әзірлеп, енгізе алады және заманауи еңбек нарығының талаптарына сай дайын маман ретінде қалыптасады.
Мектептің миссиясы
Біздің миссиямыз – инновациялық ойлай алатын, тұрақты технологиялық шешімдер жасай білетін және өнеркәсіп, ғылым мен қоғамның дамуына үлес қосатын жаңа буын инженерлерін даярлау.
Қазіргі уақытта Халықаралық инженерия мектебінде бакалавриаттың 11 білім беру бағдарламалары, магистратураның 8 білім беру бағдарламалары және докторантураның 9 білім беру бағдарламалары бойынша 1200-ден астам білім алушы бар.
Халықаралық инженерлік мектеп халықаралық университеттермен және институттармен белсенді жұмыс істейді, бұл студенттерге мәдениетаралық тәжірибе алуға мүмкіндік береді, бұл қазіргі әлемде маңызды аспект болып табылады.
Халықаралық инженерлік мектеп инновациялық ойлауды дамытуға ұмтылады және студенттерге ғылыми жобалар мен инженерлік әзірлемелерге қатысуға мүмкіндік береді. Бұл студенттердің шығармашылық және кәсіпкерлік ойлауын дамытуға ықпал етеді.
Іске асырылатын инновациялық жобалар
o "Инженерлік білім беру көшбасшылары",
жобаның мақсаты-студенттердің көшбасшылық қасиеттерін, өнертапқыштық міндеттерді шешу қабілеттерін, командада басымдық беру және жұмыс істеу қабілетін қалыптастыру
11.11.2025
