Тәрбие жұмысы

Халықаралық инженерлік мектептегі тәрбие жұмысы студент тұлғасын жан-жақты дамытуға, белсенді азаматтық ұстанымды, патриотизмді, рухани-адамгершілік құндылықтарды және салауатты өмір салты мәдениетін қалыптастыруға бағытталған. Тәрбие жұмысы келесі бағыттар бойынша жүзеге асырылады:

• мемлекеттік тілді дамыту жөніндегі мемлекеттік бағдарламаны іске асыру;
• тұлғаның дене тәрбиесін жетілдіру және денсаулығын нығайту;
• нашақорлықтың, есірткі бизнесінің, діни экстремизм мен терроризмнің, сондай-ақ лудоманияның алдын алу;
• рухани-адамгершілік және этикалық тәрбие беру;
• студенттердің патриоттық тәрбиесі мен тарихи санасын қалыптастыру;
• құқықтық тәрбие беру, құқықтық сананы және азаматтық жауапкершілікті дамыту.

Аталған бағыттарды жүзеге асыру жоғары адамгершілік қасиеттерге, әлеуметтік жауапкершілікке және белсенді өмірлік ұстанымға ие бәсекеге қабілетті мамандарды қалыптастыруға ықпал етеді.

Халықаралық инженерлік мектепте мемлекеттік тілді дамыту мен насихаттауға ерекше көңіл бөлінеді. Мемлекеттік тілді дамыту жөніндегі мемлекеттік бағдарламаны іске асыру мақсатында мектеп оқытушылары мен студенттері тіл мәдениетін арттыруға және мемлекеттік тілдің мәртебесін нығайтуға бағытталған түрлі деңгейдегі олимпиадаларға, байқауларға, конкурстарға және басқа да іс-шараларға белсенді қатысады. Жыл көлемінде тұрақты түрде студенттердің мемлекеттік тілдегі спектакльдерді тамашалауы үшін Шығыс Қазақстан облыстық Жамбыл атындағы драма театрына, сондай-ақ Өскемен қаласына гастрольдік сапармен келетін қазақстандық театр және эстрада өнерпаздарының концерттік бағдарламаларын көру ұйымдастырылады. Мұндай іс-шаралар білім алушыларды ұлттық мәдениетке, рухани құндылықтарға және қазақ халқының әдеби мұрасына баулуға ықпал етеді. Сонымен қатар, жыл бойы Халықаралық инженерлік мектеп қызметкерлері мемлекеттік тілді оқытудың екі деңгейлі курстарынан өтіп, өздерінің тілдік құзыреттіліктерін арттырады. Бұл өз кезегінде кәсіби қызметте қазақ тілін қолдану мүмкіндіктерін кеңейтуге және мемлекеттік тілдің қолданыс аясын дамытуға септігін тигізеді.

Халықаралық инженерлік мектептің тәрбие жұмысының маңызды бағыттарының бірі – студенттердің салауатты өмір салтын қалыптастыру, дене дамуын жетілдіру және денсаулығын нығайту. Тұлғаның дене тәрбиесін жетілдіру оқытушылар мен студенттердің университет ұйымдастыратын спорттық іс-шараларға белсенді қатысуы арқылы жүзеге асырылады. Мектеп студенттері спартакиадаларға, универсиадаларға және түрлі деңгейдегі спорттық жарыстарға тұрақты түрде қатысып, жүлделі орындарға ие болып, мектептің абыройын университеттік және өңірлік деңгейде лайықты қорғап келеді. Студенттер арасында спорттық секцияларға қатысу кеңінен танымал болып, олардың дене мәдениетін дамытуға, денсаулығын нығайтуға және командалық рухты қалыптастыруға ықпал етеді.

Жыл бойы академиялық топтардың кураторлары студенттердің өз денсаулығына жауапкершілікпен қарауын қалыптастыруға бағытталған жүйелі профилактикалық жұмыстар жүргізеді. Студенттер үшін нашақорлықтың, темекі шегудің және басқа да зиянды тәуелділіктердің зардаптары туралы деректі және көркем фильмдерді көру ұйымдастырылады, сондай-ақ Салауатты өмір салты орталығының мамандарымен, медицина қызметкерлерімен және аурулардың алдын алу саласындағы сарапшылармен кездесулер өткізіледі. Дәстүрлі түрде Халықаралық инженерлік мектеп «ВКТУ студенттері – салауатты өмір салты үшін» атты университеттік акцияға белсенді қатысады. Акцияның мақсаты – жастар арасында дене белсенділігін насихаттау, денсаулықты нығайту және салауатты өмір салтын ұстануға тұрақты ынталандыруды қалыптастыру.

Жастар арасындағы жағымсыз құбылыстардың алдын алу – тәрбие жұмысының маңызды бағыттарының бірі. Халықаралық инженерлік мектепте студенттер арасында нашақорлықтың, есірткі бизнесінің, діни экстремизм мен терроризмнің, сондай-ақ лудоманияның алдын алу бойынша жүйелі жұмыстар жүргізіледі.

Жыл бойы жастардың өз денсаулығына, қауіпсіздігіне және болашағына жауапкершілікпен қарауын қалыптастыру мақсатында дәрістер, кураторлық сағаттар, профилактикалық кездесулер мен сауалнамалар ұйымдастырылады. Студенттер есірткіге тәуелділіктің, құмар ойындардың, деструктивті діни ағымдардың және басқа да әлеуметтік қауіптердің зардаптарына арналған ақпараттық-түсіндіру іс-шараларына белсенді қатысады.

Сонымен қатар, құқықтық сауаттылықты, сыни ойлауды және заманауи ақпараттық кеңістікте қауіпсіз мінез-құлық дағдыларын дамытуға ерекше көңіл бөлінеді. Жүргізіліп жатқан профилактикалық жұмыстар студенттердің белсенді азаматтық ұстанымын қалыптастыруға, салауатты өмір салтын ұстануына және қоғамдағы жағымсыз құбылыстарға қарсы тұра білуіне ықпал етеді.

Рухани-адамгершілік және эстетикалық тәрбие Халықаралық инженерлік мектепте студенттердің заманауи дүниетанымын, адамгершілік қасиеттерін және жалпыадамзаттық құндылықтарды қалыптастыру мақсатында жүргізіледі. Мәдени-эстетикалық тәрбиенің негізгі құралдары ретінде студенттерді көркемөнерпаздық шығармашылыққа кеңінен тарту, сондай-ақ өнердің әртүрлі түрлері мен жанрларымен таныстыру қарастырылады. Жыл сайын студенттер университет және қала деңгейінде өткізілетін мәдени-көпшілік іс-шаралар мен акцияларға белсенді қатысады. Олардың қатарында «Білім күні», «Студент қатарына қабылдау», «Бірінші курс таланттары», «Студенттік көктем», «КТК чемпионаты», «ШҚТУ аруы», «Наурыз-думан» және басқа да іс-шаралар бар. Аталған іс-шаралар студенттердің жоғары адамгершілік мәдениетін қалыптастыруға, азаматтық пен патриотизмді тәрбиелеуге, сондай-ақ университеттің тарихи-мәдени дәстүрлерін сақтап, дамытуға ықпал етеді.

Халықаралық инженерлік мектептің тәрбие жұмысының басым бағыттарының бірі – студенттердің патриоттық тәрбиесі мен тарихи санасын қалыптастыру. Бұл бағыттағы жұмыс білім алушылардың бойында Отанға деген сүйіспеншілік пен құрмет сезімін, университетіне және таңдаған мамандығына деген мақтаныш сезімін тәрбиелеуге, сондай-ақ азаматтық жауапкершілікті, ұлттық өзіндік сананы және белсенді өмірлік ұстанымды қалыптастыруға бағытталған. Патриоттық тәрбие міндеттерін жүзеге асыру аясында студенттер Қазақстан Республикасының мемлекеттік мерекелеріне арналған іс-шараларға белсенді қатысады, мемлекеттік рәміздермен, ел заңнамасымен, мемлекеттік бағдарламалармен және елдің дамуына бағытталған стратегиялық құжаттармен танысады. Қазақстан Республикасы Президентінің жыл сайынғы Жолдауларын талқылауға, ұлттық бірлікті нығайту және тарихи жадыны сақтау мәселелеріне ерекше назар аударылады. Ұлы Отан соғысы мен еңбек ардагерлерімен кездесулер, Шығыс Қазақстан облыстық Жамбыл атындағы драма театрына, тарихи-мәдени нысандарға, музейлер мен этноауылдарға бару дәстүрге айналған. Бұл іс-шаралар жастардың рухани-адамгершілік және патриоттық тәрбиесін нығайтуға ықпал етеді.

Халықаралық инженерлік мектеп студенттері университеттің қоғамдық бірлестіктері мен жастар ұйымдарының жұмысына белсенді қатысады, пікірсайыс клубтарының, көшбасшылық мектептерінің мүшелері болып табылады, жастар қозғалыстары мен қоғамдық бастамаларға атсалысып, жоғары әлеуметтік белсенділік пен көшбасшылық қасиеттерін көрсетеді.Тәрбие жұмысының маңызды бағыттарының бірі – қоршаған ортаға және университет аумағына жауапкершілікпен қарауды қалыптастыру. Бекітілген кестеге сәйкес студенттер жыл сайын көктемгі және күзгі экологиялық акцияларға, сондай-ақ бекітілген аумақтарды абаттандыру бойынша сенбіліктерге белсенді қатысады. Жыл сайын Халықаралық инженерлік мектептің оқытушылары мен студенттері Қазақстан Республикасының Конституция күніне және Қазақстан халқының бірлігі күніне арналған мерекелік іс-шараларға қатысады. Сонымен қатар, «Мен – Қазақстан патриотымын!» ұранымен өтетін жастар шерулеріне қатысып, өздерінің азаматтық ұстанымын, мемлекеттік құндылықтарға деген құрметін және қоғамдық келісімді нығайтуға деген ұмтылысын танытады.

Құқықтық мәдениетті, құқықтық сананы және азаматтық жауапкершілікті қалыптастыру мақсатында Халықаралық инженерлік мектепте құқықтық тәрбие және құқық бұзушылықтардың алдын алу жөніндегі комиссия жұмыс істейді. Жыл бойы студенттер үшін заңнаманы сақтау, сыбайлас жемқорлыққа қарсы іс-қимыл, киберқауіпсіздік және құқық бұзушылықтардың алдын алу мәселелері бойынша дәрістер, кураторлық сағаттар мен профилактикалық әңгімелер өткізіледі. Жүргізілетін жұмыстар студенттердің құқықтық сауаттылығын арттыруға және белсенді азаматтық ұстанымын қалыптастыруға ықпал етеді.

Халықаралық инженерлік мектептің кураторлары студенттердің оқу үлгерімі мен сабаққа қатысуын тұрақты бақылауда ұстайды, сондай-ақ жатақханада және жалдамалы тұрғын үйлерде тұратын білім алушылардың әлеуметтік-тұрмыстық жағдайларын зерттейді. Тәрбие жұмысының бекітілген жоспарына сәйкес №1 және №3 жатақханаларда тұрақты түрде «Мектеп күндері» ұйымдастырылып өткізіледі. Бұл іс-шаралар студенттерді қолдауға, қолайлы білім беру ортасын қалыптастыруға және білім алушылар мен мектеп әкімшілігі арасындағы өзара байланысты нығайтуға бағытталған.