2026 жылғы 12 қазанда Д. Серікбаев атындағы ШҚТУ Жоғары IT колледжінің студент қыздары үшін амбулаториялық орталықтың тәжірибелі дәрігер-гинекологы Г.В. Рыльскаяның қатысуымен «Ерте жүктіліктің алдын алу» тақырыбында ақпараттық-ағартушылық кездесу өтті.
Кездесу барысында маман репродуктивті денсаулықты сақтаудың маңыздылығы, ерте жүктіліктің ықтимал салдары, оның алдын алу жолдары және өз денсаулығына жауапкершілікпен қараудың маңыздылығы туралы айтты.
Жыныстық тәрбие, жеке қауіпсіздік, саналы шешім қабылдау және білікті медициналық көмекке уақтылы жүгіну мәселелеріне ерекше назар аударылды.
Студент қыздар пайдалы ақпарат алып, өздерін қызықтырған сұрақтарын қойып, денсаулықты күту және ықтимал қауіптердің алдын алу мәселелерін талқылауға мүмкіндік алды.
Мұндай кездесулер жастардың медициналық сауаттылығын арттыруға, өз денсаулығына жауапкершілікпен қарауын қалыптастыруға және репродуктивті денсаулық мәселелеріне саналы көзқарасын дамытуға ықпал етеді.
Әрбір қыздың денсаулығы мен әл-ауқаты – біздің ортақ басымдығымыз!
