Д. Серікбаев атындағы Шығыс Қазақстан техникалық университетінің Жоғары ІТ колледжі мен әскери кафедрасы бірігіп, Ауғанстаннан Кеңес әскерлерінің шығарылғанына 36 жыл толуына орай салтанатты шара өткізді. Бұл маңызды оқиғаға арнап ұйымдастырылған іс-шараға колледж студенттері мен ардагерлер қатысты.
Мерекелік шара алдымен мемлекеттік гимн мен бір минуттық үнсіздікпен басталып, ел үшін күрескен жауынгерлердің рухына тағзым етілді. Іс-шара барысында студенттер өздерінің әскери білімін көрсетіп, автоматты жиналып, бөлшектеу өнерін паш етті. Сондай-ақ, олар патриоттық әскери әндер мен өлеңдер орындап, кештің мазмұнын тереңдетті.
Ардагерлер жастардың патриотизмге деген қызығушылығын жоғары бағалап, ұрпақтар сабақтастығын сақтау, өткенді құрметтеу және Отанға деген сүйіспеншілікті насихаттау маңызды екендігін атап өтті. Бұл шара қазіргі жастардың Отанға деген құрметін, патриоттық сезімін қалыптастыруда үлкен мәнге ие болды.
Мерекелік іс-шара жастардың бойында ұлттық рухты қалыптастыру мен патриоттық тәрбиені нығайтуға зор үлес қосып, болашақ ұрпаққа өз елінің тарихын құрметтеуді және ерлікке лайық болуды үйретуге бағытталды.
