Д. Серікбаев атындағы Шығыс Қазақстан техникалық университетінің студенттері Қытай Халық Республикасындағы серіктес жоғары оқу орны — Шихэцзы университетінде академиялық ұтқырлық бағдарламасы аясында оқуын сәтті аяқтады. Оқу кезеңі студенттер үшін маңызды академиялық және мәдени тәжірибе болды.
Шихэцзы университетінде білім алу олардың кәсіби құзыреттерін арттырып қана қоймай, халықаралық ортада бейімделу, мәдениетаралық коммуникация дағдыларын дамытуға мүмкіндік берді. Университет тарапынан оқу үдерісін толықтыру мақсатында шетелдік студенттерге арналған танымдық және мәдени іс-шаралар, экскурсиялар ұйымдастырылды. Студенттер музейлерді аралап, Қытайдың тарихы мен мәдени мұрасымен жақын танысты. Бұл шаралар теориялық білімді тәжірибемен ұштастырып, оқу сапасын арттырды.
Шихэцзы университетіндегі оқу инфрақұрылымы жоғары деңгейде ұйымдастырылған: заманауи оқу ғимараттары, қажетті академиялық ресурстар, қолайлы жатақхана және студенттерге көрсетілетін кешенді қолдау оқу барысында қолайлы жағдай қалыптастырды. Оқытушылар құрамының кәсібилігі мен ашық қарым-қатынасы білім беру сапасын қамтамасыз етті.
Алынған білім мен тәжірибе студенттердің болашақ кәсіби дамуына және халықаралық академиялық қызметке қатысуына берік негіз болады.
