2026 жылғы 8 қазанда Д. Серікбаев атындағы ШҚТУ Жоғары IT колледжінің білім алушылары Өскемен жоғары политехникалық колледжінің базасында өткен «Өз болашағыңды қалыптастыр» атты білім беру тренингіне қатысты.
Іс-шара жастардың өз болашағына, жеке әл-ауқатына және қабылдайтын шешімдері үшін жауапкершілікке саналы көзқарасын қалыптастыруға бағытталды.
Тренинг барысында қатысушылар психологиялық әл-ауқат пен психикалық денсаулықты сақтау, салауатты өмір салтын ұстану және зиянды әдеттердің алдын алу мәселелерін талқылады. Сондай-ақ құқық бұзушылықтың алдын алуға, жауапты мінез-құлықты қалыптастыруға және салмақты шешім қабылдау дағдыларын дамытуға ерекше назар аударылды.
Мұндай іс-шаралар білім алушыларға өзін жақсырақ түсінуге, өз мүмкіндіктерін бағалауға, іс-әрекеттерінің салдарын ұғынуға және өмірлік жағдайларда саналы таңдау жасауға көмектеседі.
Болашақ бүгіннен басталады — біздің шешімдерімізден, іс-әрекеттерімізден және өз өмірімізге деген жауапкершілігімізден!
