Механикалық жүйелерді талдау әдістері
Сипаттама: Материалдық денелердің механикалық қозғалысы мен тепе-теңдігінің жалпы заңдарын зерттейтін іргелі инженерлік пән. Ол механикалық жүйелердің күйін модельдеу, талдау және болжау үшін математикалық аппарат пен аналитикалық әдістерді ұсынады. Негізгі бөлімдеріне статика (тепе-теңдік шарттары), кинематика (қозғалысты сипаттау) және динамика (күш әрекетінен туындаған қозғалыс) кіреді. Бұл пән көптеген инженерлік есептеулер мен жобалаудың негізін қалайды.
Кредиттер саны: 5
Пререквизиты:
- Физика
Пәннің еңбек сыйымдылығы:
| Жұмыс түрлері | сағат |
|---|---|
| Дәрістер | 30 |
| Практикалық жұмыстар | 15 |
| Зертханалық жұмыстар | |
| СӨЖО | 30 |
| СӨЖ | 75 |
| Қорытынды бақылау нысаны | емтихан |
| Қорытынды бақылауды жүргізу нысаны | Емтихан |
Компонент: ЖОО компоненті
Цикл: Базалық пәндер
Мақсат
- Студенттердің болашақ кәсіби қызметінде инженерлік есептерді шешу үшін қажетті механиканың іргелі заңдары мен принциптері саласындағы білімдерін, біліктері мен дағдыларын қалыптастыру.
Міндет
- 1) Теориялық механиканың негізгі бөлімдерін (статика, кинематика және динамика) зерттеу. 2) Күштерді, моменттерді және тірек реакцияларын есептеу, сондай-ақ қатты дене мен оның жүйелерінің қозғалысын талдау әдістерін меңгеру. 3) Механикалық жүйелерге байланысты практикалық есептерді шешу үшін зерттелген принциптер мен теоремаларды (мысалы, кинетикалық энергияның өзгеру теоремасы, Даламбер принципі) қолдануды үйрену.
Оқыту нәтижесі: білу және түсіну
- Теориялық механиканың негізгі бөлімдерін (статика, кинематика, динамика), осы курста қолданылатын іргелі ұғымдарды, аксиомаларды, гипотезаларды, болжамдарды және принциптерді білу және түсіну.
Оқыту нәтижесі: білім мен ұғымды қолдану
- Алынған білімді құрылым элементтеріндегі тірек реакцияларын анықтау, механизмдердің кинематикалық сипаттамаларын және жүйелердің динамикалық параметрлерін есептеу үшін қолдану, сондай-ақ практикалық есептерді шешудің заманауи әдістерін пайдалану.
Оқыту нәтижесі: талқылай білуді қалыптастыру
- Ақпаратты сыни тұрғыдан бағалау, өндірістік жағдайларды талдау, негізделген қорытындылар жасау және механикалық жүйелердің беріктігі мен орнықтылығын бағалау кезінде механика заңдары негізінде шешім қабылдау қабілеті.
Оқыту нәтижесі: коммуникативтік қабілеттіліктер
- Кәсіби қызметті тиімді жүзеге асыруға, АКТ көмегімен ақпаратты іздеу мен өңдеуді жүзеге асыруға, кәсіби диалог жүргізуге және сөйлеу этикетінің ережелерін қолдануға мүмкіндік беретін коммуникативтік қабілеттерге ие болу.
Оқыту нәтижесі: Оқу дағдылары немесе сабаққа қабілеттілігі
- Келесі кәсіби курстарды («Машина бөлшектері», «Механика және машиналар теориясы» т.б.) зерделеу және өзін-өзі білім алуды жалғастыру үшін қажетті жаратылыстану ғылымдары пәндері саласында базалық білім алу.
