Минералдық шикізатты өңдеудің заманауи мәселелері
Сипаттама: «Минералдық шикізатты қайта өңдеудің заманауи мәселелері» пәні минералдық шикізатты байыту, ұсату, ұнтақтау, жіктеу, флотация, гравитациялық және магниттік бөлу процестерінің дамуындағы өзекті мәселелер мен тенденцияларды зерделеуге бағытталған. Пәннің негізгі мазмұны қайта өңдеу тиімділігін арттыруға, ресурстық шығындарды төмендетуге, сондай‑ақ тау‑металлургия саласының экологиялық талаптары мен тұрақты даму қағидаттарын сақтауға мүмкіндік беретін заманауи технологияларға назар аударады. Пән студенттерге минералдық шикізатты өңдеу саласындағы өзекті ғылыми‑технологиялық үрдістерді түсінуге және оларды практикалық міндеттерді шешуде қолдануға мүмкіндік береді.
Кредиттер саны: 5
Пререквизиты:
- Химия
Пәннің еңбек сыйымдылығы:
| Жұмыс түрлері | сағат |
|---|---|
| Дәрістер | 15 |
| Практикалық жұмыстар | 30 |
| Зертханалық жұмыстар | |
| СӨЖО | 30 |
| СӨЖ | 75 |
| Қорытынды бақылау нысаны | емтихан |
| Қорытынды бақылауды жүргізу нысаны | емтихан |
Компонент: Таңдау бойынша компонент
Цикл: Базалық пәндер
Мақсат
- Дисциплина магистранттарға минералдық шикізатты қайта өңдеу саласындағы заманауи технологиялық шешімдерді талдау, бағалау және енгізу үшін қажетті кәсіби құзыреттерді қалыптастыруға бағытталған. Негізгі мақсаттары: минералдық ресурстарды қайта өңдеу технологияларының қазіргі мәселелері мен даму үрдістерін зерттеу; құнды компоненттердің алынуын арттыруға арналған инновациялық әдістер мен процестерді меңгеру; қолданыстағы қайта өңдеу схемаларының тиімділігін талдау және оңтайлы техникалық шешімдерді таңдауды қалыптастыру; өндірістің экологиялық тәуекелдерін және тұрақтылығын бағалау, «жасыл» технологиялар қағидаттарын қолдану; қайта өңдеу процестерін жетілдіруге бағытталған инженерлік міндеттерді шешу қабілетін дамыту.
Міндет
- Ресурстардың таусылуы, шикізат сапасының төмендеуі және процестердің энергия сыйымдылығының артуы сияқты факторларды қамтитын тау‑кен және қайта өңдеу саласының заманауи мәселелерінің табиғатын зерттеу. Ұсату, ұнтақтау, жіктеу және байыту процестерінде қолданылатын заманауи технологиялар мен жабдықтарды талдау. Техникалық және экологиялық көрсеткіштерді қоса алғанда, технологиялардың тиімділігін бағалау әдістерін меңгеру. Инновациялық тәсілдерді (интеллектуалды басқару жүйелері, машиналық көру, цифрлық егіздер, автоматтандыру) зерделеу. Әртүрлі минералдық шикізат түрлері үшін қайта өңдеу технологиялық схемаларын таңдауға және оңтайландыруға қажетті дағдыларды қалыптастыру. Ғылыми жарияланымдарды талдау және практикалық жұмыстарды орындау үшін қажетті зерттеу құзыреттерін дамыту. Заманауи ғылыми‑техникалық жетістіктерге сүйене отырып, инженерлік шешімдер қабылдау қабілетін қалыптастыру.
Оқыту нәтижесі: білу және түсіну
- Минералдық шикізатты байыту саласындағы әртүрлі теориялық тұжырымдамаларды талдау, бағалау және салыстыру; заманауи зерттеу әдістемелерін және олардың практикалық қолдану тәсілдерін тиімді пайдалану.
- Заманауи байыту және қайта өңдеу әдістерін таңдауға және ғылыми тұрғыдан негіздеуге қабілеттілік.
Оқыту нәтижесі: білім мен ұғымды қолдану
- Минералдық шикізатты байыту саласындағы әртүрлі теориялық тұжырымдамаларды талдау, бағалау және салыстыру; заманауи зерттеу әдістемелерін және олардың практикалық қолдану тәсілдерін пайдалана отырып, бұл білімді минералдық шикізатты, әсіресе кедей және техногендік шикізатты қайта өңдеу технологияларында тиімді қолдану қабілеті.
- Заманауи технологиялар мен материалдарды жетілдіру үдерісінде ақпараттың мәні мен маңызын түсіну қабілеті.
Оқыту нәтижесі: талқылай білуді қалыптастыру
- Толық технологиялық циклды талдау және технологиялық процестерді жетілдіру бойынша ұсыныстар әзірлеу
Оқыту нәтижесі: коммуникативтік қабілеттіліктер
- Шетелдік сала мамандарымен (металлургтер, геологтар) кәсіби қарым-қатынас жағдайында тілдік және коммуникациялық құралдарды еркін таңдау және тиімді пайдалану
Оқыту нәтижесі: Оқу дағдылары немесе сабаққа қабілеттілігі
- Жаңа білім мен іс-әрекет әдістерін игеруде ынталылық, өзін-өзі ұйымдастыру және мақсаттылық қабілеттерін дамыту.
- - Ғылыми-зерттеу қызметі мен болашақ магистрлік диссертация процесінде қажетті ақпаратты іздеу, талдау және дәлелді бағалау дағдыларын меңгеру.
