Бейорганикалық химия 1
Сипаттама: Бұл пәнді оқу студенттерге табиғат пен өнеркәсіпте болып жатқан химиялық процестерді игеруге, сондай-ақ химия мен онымен байланысты салалардағы күрделі ғылыми және практикалық мәселелерді шешуге көмектеседі. Бұл қарапайым және күрделі бейорганикалық заттардың кристалдық және молекулалық құрылымы туралы білімді қалыптастыруға ықпал етеді, сонымен қатар бейорганикалық заттармен тәжірибе жасау дағдыларын дамытады.
Кредиттер саны: 6
Пререквизиты:
- Химия. Мектеп курсы
Пәннің еңбек сыйымдылығы:
| Жұмыс түрлері | сағат |
|---|---|
| Дәрістер | 30 |
| Практикалық жұмыстар | |
| Зертханалық жұмыстар | 30 |
| СӨЖО | 30 |
| СӨЖ | 90 |
| Қорытынды бақылау нысаны | емтихан |
| Қорытынды бақылауды жүргізу нысаны | Жазбаша емтихан |
Компонент: ЖОО компоненті
Цикл: Базалық пәндер
Мақсат
- Химияның іргелі мәселелері бойынша білім қалыптастыру және оларды кәсіби қызметте қолдану дағдыларын дамыту. Курстың өзектілігі: Бейорганикалық химия — іргелі жаратылыстану ғылымдарының бірі болып табылады және ғылыми-техникалық прогресте маңызды рөл атқарады. Ол материяның құрылымының белгілі бір деңгейін — атомдық-молекулалық деңгейін сипаттайды. Атомдық-молекулалық деңгейдегі үдерістер мен мәселелерді түсіну кез келген инженер мамандығы үшін қажет, өйткені ол міндетті түрде әртүрлі заттармен, материалдармен және химиялық реакциялармен жұмыс істейді. Кез келген іргелі ғылым сияқты, бейорганикалық химия да (бұл жағдайда — химиялық) арнайы тапсырмаларды шешу тәсілдерімен қамтамасыз етеді.
Міндет
- Студенттер бейорганикалық химияның теориялық негіздерін, оның ішінде атом құрылысы, химиялық байланыс, реакциялар энергетикасы мен кинетикасын түсінуі керек. Оқыту бейорганикалық қосылыстардың негізгі кластарына – су, қышқылдар, сілтілер, тұздар, оксидтер және басқа да заттардың құрамы, құрылысы, қасиеттері мен таралу заңдылықтарын оқып-үйренуге бағытталған. Пән бейорганикалық химияның практикалық маңыздылығы, оның басқа ғылыми салалармен байланысы және оны өнеркәсіпте, техникада және өндірісте қолдану мүмкіндіктері туралы түсінік қалыптастырады.
Оқыту нәтижесі: білу және түсіну
- Химиялық элементтердің периодтық жүйедегі орны, атом құрылысы, валенттілік, тотығу дәрежесі ұғымдарын түсінеді. Негізгі химиялық заңдарды (сақталу заңы, тұрақты құрам заңы, Авогадро заңы, т.б.) біледі. Бейметалдар, металдар және олардың қосылыстарының қасиеттерін ажыратады. Ерітінділердің, қышқылдар мен негіздердің, тұздардың қасиеттерін түсіндіреді. Тотығу-тотықсыздану реакцияларының мәнін түсінеді. Заттардың формулаларын құрастыра алады, химиялық теңдеулерді жазады және теңестіреді. Реакция теңдеулері бойынша есептер шығарады (мольдік, массалық, көлемдік қатынастар). Зертханалық құрал-жабдықтармен жұмыс істеу дағдыларын меңгереді. Қарапайым тәжірибелер жүргізіп, бақылау жасайды және қорытынды шығарады.
Оқыту нәтижесі: білім мен ұғымды қолдану
- Химиялық білімді күнделікті өмірде, техникада және экологияда қолдана алады. Қауіпсіздік ережелерін сақтап, тәжірибелік жұмыс барысында жауапкершілік танытады.Логикалық ойлау, талдау, салыстыру, дәлелдеу қабілеттерін дамытады.
Оқыту нәтижесі: талқылай білуді қалыптастыру
- Салыстыру арқылы пайымдау. Себеп–салдар байланысын орнату. Дәлелдеу. Қортынды жасау. Бағалау.
Оқыту нәтижесі: коммуникативтік қабілеттіліктер
- Ғылыми тілде сөйлеу және жазу. Химиялық терминдер мен символдарды дұрыс қолдану. Реакция теңдеулерін ауызша сипаттау . Лабораториялық есептерді жазбаша рәсімдеу. Топтық және жұптық жұмыс. Химиялық тәжірибелерді бірлесіп орындау. Топ ішінде рөлдерді бөлісу (бақылаушы, орындаушы, жазушы, баяндамашы). Басқалардың пікірін тыңдау және өз ойымен бөлісу. Пікірталас жүргізу. Экологиялық мәселелерді (қышқыл жаңбыр, атмосфералық ластану) талқылау. Химиялық жаңалықтардың қоғамға әсерін бағалау. Ақпаратты түсіндіру және қорғау. Жобалық жұмыстар нәтижесін сынып алдында таныстыру. Химиялық құбылыстарды қарапайым тілмен түсіндіре білу . Инфографика, сызба, кесте арқылы ақпаратты жеткізу.
Оқыту нәтижесі: Оқу дағдылары немесе сабаққа қабілеттілігі
- Оқу әдебиеттерінен, интернеттен химиялық ақпаратты іздей алады. Кесте, диаграмма, периодтық жүйе сияқты ақпарат көздерін дұрыс қолданады. Әртүрлі дереккөздерді салыстырып, сенімді ақпаратты таңдайды. Жаңа тақырыпты оқып, негізгі ойды ажыратады. Формулалар мен реакцияларды есте сақтаудың тиімді әдістерін қолданады. Тапсырмаларды орындауда уақытты дұрыс жоспарлайды. Қиындықтарды жеңу үшін қосымша дереккөздерге жүгінеді. Қателерін талдап, келесіде дұрыстауға ұмтылады. Өмір бойы оқуға дайындық қабілетін дамытады.
