6B07120 - Машина жасау және реверс-инжиниринг

(Бағдарлама деңгейі: Бакалавриат, оқу мерзімі 4 жыл)

Білім беру бағдарламасы тобының нөмірі B064

Таңдау бойынша тестілеу пәні - физика

Профиль пәні - математика

"Машина жасау және реверс-инжиниринг" білім беру бағдарламасы машиналарды, механизмдер мен техникалық жүйелерді жобалау, өндіру, пайдалану және жаңғырту саласында білімі мен практикалық дағдылары бар жоғары білікті мамандарды даярлауға арналған.

Бағдарлама қалыптастырады:

• машиналар мен жабдықтарды жобалау және құрастыру саласындағы білім;
• бөлшектер мен бұйымдарды қалпына келтіру және жетілдіру үшін заманауи реверс-инжиниринг технологияларың қолдана білу;
• конструкторлық және технологиялық құжаттаманы әзірлеу қабілеті;
• инженерлік талдау, сынақтар жүргізу және техникалық жүйелердің тиімділігін бағалау дағдылары;
• машина жасау кәсіпорындарының өндірістік процестерін ұйымдастыру және басқару саласындағы құзыреттер;
• заманауи цифрлық модельдеу, 3D сканерлеу және аддитивті технологияларды қолдану дағдылары.

"Машина жасау және реверс-инжиниринг" білім беру бағдарламасының түлектері жұмыс істей алады:

• инженер-конструкторлар;
• инженер-технологтар;
• реверс- инжинирг  мамандары;
• автоматтандырылған жобалау инженерлері (CAD/CAM/CAE);
• 3D модельдеу және 3D сканерлеу мамандары;
• жабдықты пайдалану және қызмет көрсету инженерлері;
• машина жасау кәсіпорындарының өндірістік бөлімшелерінің басшылары;
• ғылыми-зерттеу және жобалау-конструкторлық ұйымдардың мамандары.

"Машина жасау және реверс-инжиниринг" ББ шеңберінде "Allur Auto" ЖШС (Қостанай қ.) базасында дуалды оқыту жүзеге асырылады. Онда студенттер автоқұрастыру зауытындағы жұмыс бекеттерінде жұмыс істейді, бұл ретте мамандығы бойынша қашықтықтан оқытуды жалғастырады.

Қазіргі уақытта білім беру бағдарламасының арнайы пәндері бойынша сабақтарды 4 ғылым кандидаты, 3 PhD докторы және 3 магистр жүргізеді. Студенттер ғылыми-зерттеу жұмыстарымен белсенді айналысады.

Білім беру бағдарламасын жүзеге  асыру барысында  білім алушыларды ғылыми-зерттеу жұмысына тарту міндетті болып табылады. Білім алушылардың ғылыми зерттеулерінің нәтижелері республикалық және халықаралық маңызы бар басылымдарда үнемі жарияланады. Студенттер студенттік ғылыми жұмыстар конкурстарына, жас ғалымдар мен студенттердің республикалық және халықаралық ғылыми конференцияларына белсенді қатысады.Студенттер акдемиялық ұтқырлық бағдарламасына қатысады.

Басқа қаладан келген студенттер үшін жатақхана бар. Оқытушылар жатақханада студенттермен үнемі тақырыптық кездесулер өткізіп отырады.

Студенттер әскери кафедрада төмендегі мамандықтар бойынша білім алуда:

• Бронетанктік техниканың базалық машиналарын пайдалану және жөндеу,
• Жердегі, реактивті танк және өздігінен жүретін артиллерияның материалдық бөлігін пайдалану және жөндеу.

Білім беру бағдарламасы - "Машина жасау және реверс-инжиниринг", біздің ЖОО-ның басқа инженерлік мамандықтарынан айырмашылығы, даярлаудың конструкторлық, технологиялық және зерттеу бағыттарының халықаралық мамандарын даярлаймыз:

• машина жасау технологиясы (3D модельдеу);
• аддативті технологиялар (3D кері).

Кәсіби құзыреттілікті басқаруға бағдарланған оқыту, Үкіметте бірлескен іс-қимылдар туралы шарттар жасасу және машина жасау кәсіпорындарының практикалық базасын ұйымдастыру үшін ("Қазмырыш" ЖШС, "Гидростальконструкция" АҚ, "Өскемен өнеркәсіптік арматура зауыты" АҚ, "Өскемен арматура зауыты" АҚ, "Востокмашзавод" АҚ Allurauto. ASTANA MOTORS,).

Бітіргеннен кейін білім алушыға 6В07120 "Машина жасау және реверс-инжиниринг"білім беру бағдарламасы бойынша техника және технологиялар бакалавры академиялық дәрежесі беріледі.

Бакалавриатты бітіргеннен кейін түлектер 7М07111 "Механика және металл өңдеу"мамандығының білім беру бағдарламасы бойынша Д.Серікбаев атындағы ШҚТУ магистратурасында оқуын жалғастыруға мүмкіндік алады. Магистратураны аяқтағаннан кейін түлектер 8D07102 "Машина жасау"докторантурасында ғылыми-зерттеу қызметін және оқуын жалғастыра алады.