«Д. Серікбаев атындағы Шығыс Қазақстан техникалық университеті» КЕАҚ 2022 жылдан бастап Huawei компаниясымен ынтымақтастықты дамытып келеді. Ынтымақтастықтың негізгі бағыттары — студенттердің цифрлық құзыреттерін дамыту, практикалық даярлығын арттыру және ақпараттық-коммуникациялық технологиялар саласында заманауи білім беру технологияларын енгізу.
2022 жылғы мамыр айында университет базасында Huawei академиясы ашылды. Академияның қызметі студенттерді Huawei компаниясының білім беру бағдарламалары мен мамандандырылған курстары бойынша даярлауға бағытталған.
Huawei академиясы базасында студенттер ақпараттық-коммуникациялық технологиялардың заманауи бағыттары бойынша теориялық білім алып, практикалық дағдыларды меңгереді. Қазіргі уақытта Datacom, AI Sana және Storage курстары бойынша оқыту жүргізіледі. Курстарды сәтті аяқтаған жағдайда студенттер өздерінің кәсіби құзыреттерін растайтын және халықаралық деңгейде мойындалатын Huawei сертификаттарын алу мүмкіндігіне ие болады.
Ынтымақтастықтың маңызды бағыттарының бірі — ВКТУ студенттерінің Huawei ICT Competition халықаралық байқауына қатысуы. Университет студенттері жыл сайын аталған байқауға қатысып, телекоммуникациялар, ақпараттық технологиялар, жасанды интеллект және басқа да цифрлық бағыттар бойынша білімдері мен практикалық дағдыларын көрсетеді.
Huawei академиясының қызметі студенттердің кәсіби құзыреттерін дамытуға, практикалық тәжірибесін кеңейтуге және цифрлық технологиялар саласындағы кәсіби қызметке даярлығын арттыруға ықпал етеді.
05.10.2026
