Д. Серікбаев атындағы Шығыс Қазақстан техникалық университетінде Малайзияның Universiti Teknologi MARA (UiTM) университетінің профессоры Nor Hayati Saad-тың халықаралық академиялық сапары аяқталды.
Сапар ШҚТУ мен Малайзияның жетекші жоғары оқу орындарының бірі арасындағы ынтымақтастықты дамытудың маңызды кезеңіне айналды. Бірлескен жұмыс инженерлік білім беру, жобаларды басқару, ғылыми зерттеулер, академиялық алмасу және жасанды интеллектіні қолдану сияқты өзекті бағыттарды қамтыды.
Профессор Nor Hayati Saad ШҚТУ базасында ұйымдастырылған CDIO 2026 Азиялық өңірлік кездесуіне қатысып, жасанды интеллект белсенді енгізіліп жатқан кезеңдегі инженерлік білім беруді дамытудың заманауи тәсілдерін таныстырды. Баяндамада университеттер, өнеркәсіп және жасанды интеллект технологиялары арасындағы өзара іс-қимылға ерекше назар аударылды.
Академиялық бағдарламаның маңызды бөлігі ШҚТУ бакалавриат және магистратура студенттеріне арналған жобаларды басқару дәрістері болды. Сабақтар білім алушыларға жобалық қызметтің халықаралық тәжірибесімен, бастамаларды жоспарлау мен іске асырудың заманауи тәсілдерімен танысуға және кәсіби ортада сұранысқа ие білім алуға мүмкіндік берді.
Оқытушылар мен жас ғалымдардың зерттеушілік құзыреттерін дамытуға да ерекше көңіл бөлінді. Ғылыми жарияланымдар әзірлеуге арналған семинарда профессор Scopus және Web of Science халықаралық дерекқорларында индекстелетін журналдарға мақала дайындау бойынша практикалық ұсынымдарымен бөлісті.
ШҚТУ ғалымдарымен өткен кездесулер барысында бірлескен жарияланымдар әзірлеу және ғылыми жобаларды іске асыру перспективалары қарастырылды. Талқыланған бағыттардың бірі жасанды интеллектінің әлеуметтік салдарларына экономиканың орнықтылығы, соның ішінде Қазақстанда AIRI индексін әзірлеу және қолдану мүмкіндігі болды.
Академиялық сапар университет аясымен ғана шектелген жоқ. Назарбаев Зияткерлік мектебінде профессор жасанды интеллект білім беру мен еңбек нарығының ажырамас бөлігіне айналып келе жатқан жағдайда университетті, білім беру бағдарламасын және болашақ мамандықты саналы таңдау тақырыбында кәсіби бағдар беру кездесуін өткізді.
ШҚТУ үшін халықаралық академиялық ұтқырлық – тәжірибе алмасу формасы ғана емес, білім мен ғылыми зерттеулер сапасын арттырудың тиімді құралы. Шетелдік профессорлардың оқу үдерісіне қатысуы студенттерге халықаралық сараптамаға қол жеткізуге, оқытушыларға кәсіби байланыстарды дамытуға, ал университетке жаңа бірлескен жобалар құрып, жаһандық академиялық кеңістікке ықпалдасуға мүмкіндік береді.
ШҚТУ мен Universiti Teknologi MARA арасындағы ынтымақтастық академиялық алмасуды кеңейтуге, бірлескен зерттеулер жүргізуге, ғылыми жарияланымдар әзірлеуге және жаңа білім беру бастамаларын жүзеге асыруға жол ашады. Қол жеткізілген уағдаластықтар Қазақстан мен Малайзия университеттері арасындағы ұзақ мерзімді серіктестіктің негізін қалыптастырады.
ШҚТУ профессор Nor Hayati Saad-қа нәтижелі жұмысы, білім және ғылым саласындағы тәжірибе алмасуға қосқан үлесі, кәсіби диалогке ашықтығы және халықаралық академиялық байланыстарды дамытуға көрсеткен қолдауы үшін алғыс білдіреді.
