Д. Серікбаев атындағы Шығыс Қазақстан техникалық университетінің студенттері «Аллюр» компаниялар тобымен ынтымақтастық бағдарламасы аясында Астана қаласындағы жетекші автомобиль брендтерінің дилерлік орталықтарына барды: Kia, Chevrolet, Li Auto (Лисян) және Geely.
Экскурсия жоғары ұйымдастырушылық деңгейде өтті. Болашақ мамандар орталықтардың заманауи материалдық-техникалық базасымен танысып, автомобильдердің өзекті модельдерін зерттеуге және диагностикадан бастап шанақ жөндеуге дейінгі сервистік қызмет көрсетудің толық циклін көруге бірегей мүмкіндік алды.
Сапардың практикалық бөлігі ерекше маңызға ие болды. «Аллюр» қызметкерлері инженерлік жүйелердің жұмысы, заманауи диагностикалық кешендер, электромобильдер мен гибридтерге қызмет көрсету ерекшеліктері туралы егжей-тегжейлі айтып берді. Сондай-ақ студенттер компаниядағы мансаптық өсу мүмкіндіктерімен және кәсіби даму перспективаларымен танысты. Сапардың ең жарқын сәті флагмандық гибридті жол талғамайтын Li Auto L9 (Лисян L9) автокөлігінің тест-драйвы болды. Студенттер автомобильдің динамикасын, жүріс бірқалыптылығын, жүргізушіге көмек көрсететін интеллектуалды жүйелердің жұмысын және премиум салонның жайлылық деңгейін өздері бағалай алды. Бұл болашақ технологияларын көріп қана қоймай, бүгінде Қазақстан нарығында қолжетімді инновацияларды іс жүзінде сезінуге мүмкіндік берді.
Студенттер атынан «Аллюр» компаниялар тобының басшылығына жылы қабылдауы, ашықтығы және практикалық тәжірибесімен бөлісуге дайын болғаны үшін алғыс білдіреміз. Осындай іс-шаралар студенттерге Қазақстанның автомобиль индустриясының нақты жағдайын көруге және жұмыс берушілердің талаптарын жақсырақ түсінуге мүмкіндік береді. Алдағы уақытта да жемісті ынтымақтастық жалғасады деп сенеміз!
