2026 жылғы 21 қазанда Д. Серікбаев атындағы Шығыс Қазақстан техникалық университетінде 2026 - 2027 оқу жылындағы Академиялық кеңестің алғашқы отырысы өтті.
Отырысқа Академиялық кеңестің мүшелері, құрылымдық бөлімшелердің басшылары және шақырылған қатысушылар қатысты.
Отырыс барысында университеттің академиялық қызметіне қатысты негізгі мәселелер қаралды, оның ішінде:
- Академиялық кеңестің 2026 - 2027 оқу жылына арналған жұмыс жоспарын бекіту;
- 2026 жылғы қабылдау комиссиясы жұмысының қорытындылары, негізгі мәселелер және оларды шешу жолдары, сондай-ақ 2027 жылға арналған міндеттер;
- 2025 - 2026 оқу жылында білім алушылардың кәсіптік іс-тәжірибелерін ұйымдастыру және өткізу қорытындылары, сондай-ақ 2026 - 2027 оқу жылына арналған міндеттер.
Білім беру процесіне жұмыс берушілер мен практик-мамандарды тарту мәселесіне ерекше назар аударылды. Мектеп декандары жұмыс берушілермен өзара іс-қимыл жасаудың өзекті мәселелері мен перспективаларын, сондай-ақ білім алушыларды практикаға бағдарланған даярлау сапасын одан әрі жетілдіру мүмкіндіктерін баяндады.
Академиялық кеңес отырысының қорытындысы бойынша білім беру процесінің сапасын арттыруға, кәсіптік іс-тәжірибелерді ұйымдастыруды жетілдіруге және жаңа оқу жылында университеттің академиялық қызметін одан әрі дамытуға бағытталған шешімдер қабылданды.
