Құрметті талапкерлер, білім алушылар және ата-аналар!

«Д. Серікбаев атындағы ШҚТУ» КЕАҚ Сыбайлас жемқорлыққа қарсы комплаенс-қызметі университетке оқуға түсу, грантқа ауысу, жатақханаға орналасу, аралық және қорытынды аттестаттаудан өту, емтихандар мен сынақтарды тапсыру, сондай-ақ өзге де оқу рәсімдеріне байланысты орын алуы мүмкін алаяқтық фактілері туралы ескертеді.

Соңғы уақытта кейбір тұлғалар өздерін университет қызметкерлері ретінде таныстырып немесе университетте «байланыстары» бар екенін айтып, ақшалай сыйақы немесе өзге де материалдық игіліктер үшін оқуға түсуге, сессияны сәтті тапсыруға, оң бағалар алуға, басқа білім беру бағдарламасына ауысуға, оқуға қайта қабылдануға және басқа да мәселелерді шешуге көмектесуді ұсынуы мүмкін.

Мұндай ұсыныстардың заңсыз екенін және көп жағдайда алаяқтық сипатқа ие болатынын назарларыңызға саламыз.

Университеттің ешбір қызметкері өзінің лауазымдық міндеттерін орындағаны немесе білім беру процесінде қандай да бір көмек көрсеткені үшін ақша қаражатын, сыйлықтарды, қызметтерді немесе басқа да артықшылықтарды талап етуге, алуға немесе қабылдауға құқылы емес.

Осындай ұсыныстарға сенбеулеріңізді, ақша қаражатын бермеулеріңізді және әрбір осындай факт туралы университеттің Сыбайлас жемқорлыққа қарсы комплаенс-қызметіне дереу хабарлауларыңызды сұраймыз.

Келіп түскен әрбір хабарлама белгіленген тәртіппен қаралатын болады.

Университет өтініш беруші туралы мәліметтердің құпиялылығына кепілдік береді және сыбайлас жемқорлық, алаяқтық немесе өзге де құқық бұзушылықтар туралы адал хабарлаған тұлғаларды қорғау шараларын қабылдайды.

Мұндай фактілер туралы келесі байланыс арналары арқылы хабарлауға болады:

  • E-mail: myktybayev70@mail.ru
  • Сенім телефоны (жедел желі): +7 (7232) 540-556 (дүйсенбі–жұма, 8:00–17:00)
  • Комплаенс-офицердің ұялы телефоны: 8-777-397-7482
  • Онлайн-нысан: ШҚТУ сайтының «Кері байланыс» бөлімі
  • Жеке қабылдау: Г-1-229 кабинеті, ШҚТУ

Егер Сізге оқуға қабылдау нәтижелеріне, емтихандарға, сынақтарға, дипломдық жұмыстарды қорғауға немесе өзге де білім беру рәсімдеріне заңсыз ықпал ету әрекеттері туралы белгілі болса, бейжай қалмауыңызды сұраймыз.

Тек бірлескен күш-жігер арқылы ғана біз адалдық, әділдік, академиялық адалдық қағидаттарын қамтамасыз етіп, сыбайлас жемқорлыққа мүлдем төзбеушілік мәдениетін қалыптастыра аламыз.

«Д. Серікбаев атындағы ШҚТУ» КЕАҚ
Сыбайлас жемқорлыққа қарсы комплаенс-қызметі