Д. Серікбаев атындағы Шығыс Қазақстан техникалық университетіне Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның өкілдері келді. Сапар аясында делегация халықаралық инженерлік «Лу Бань» шеберханасының жұмысымен және заманауи материалдық-техникалық базасымен танысты.
Қонақтарға шеберхананың негізгі қызмет бағыттары, білім беру және ғылыми-техникалық мүмкіндіктері, сондай-ақ жаңа буын мамандарын даярлау барысында қолданылатын жабдықтар таныстырылды.
Делегация мүшелерінің ерекше қызығушылығын шеберхананың техникалық жабдықталуы тудырды. Мұнда электромобильдер мен гибридті автомобильдер, интеллектуалды басқару жүйелері, жасанды интеллект технологиялары, VR және AR кешендері ұсынылған. Бұл жабдықтар студенттерге заманауи технологияларды тәжірибе жүзінде меңгеріп, интеллектуалды көлік жүйелері мен инженерия саласындағы өзекті әзірлемелермен жұмыс істеуге мүмкіндік береді.
Делегация өкілдері шеберхананың жоғары деңгейдегі техникалық жабдықталуын, технологиялық әлеуетін және университеттің сұранысқа ие инженерлік кадрларды даярлау мүмкіндіктерін жоғары бағалады.
«Лу Бань» шеберханасына сапар университеттің инженерлік білім беруді дамыту, оқу үдерісіне инновациялық технологияларды енгізу және заманауи білім беру ортасын қалыптастыру бағытындағы жетістіктерін таныстыруға мүмкіндік берді.
