Д. Серікбаев атындағы Шығыс Қазақстан техникалық университетінің ұжымы Айдар Серікқазыұлы Садырбаевты Шығыс Қазақстан облысы әкімінің орынбасары қызметіне тағайындалуымен шын жүректен құттықтайды!
Айдар Серікқазыұлы мемлекеттік басқару және ішкі саясат салаларында мол тәжірибе жинақтаған білікті басшы. Жаңа қызметінде ол өңірдің әлеуметтік саласына, ішкі және ақпараттық саясат мәселелеріне жетекшілік етеді.
Шығыс Қазақстан облысының ішкі саясат басқармасының басшысы қызметін атқарған кезеңде Айдар Серікқазыұлы университетпен белсенді байланыс орнатып, қоғамдық маңызы бар бастамаларды жүзеге асыруға және өңір өмірінің өзекті мәселелері бойынша сындарлы диалогті дамытуға қолдау көрсетті.
Жинақтаған кәсіби тәжірибесі, өңірлік үдерістерді терең түсінуі, жауапкершілігі мен мақсаткерлігі жаңа қызметтегі жұмысының табысты болуына және Шығыс Қазақстан облысының әлеуметтік дамуына ықпал ететініне сенімдіміз.
Айдар Серікқазыұлына зор денсаулық, отбасылық амандық, жауапты қызметінде толағай табыс және өңір мен оның тұрғындарының игілігі жолындағы барлық міндеттерінің сәтті жүзеге асуын тілейміз!
Д. Серікбаев атындағы ШҚТУ ұжымы
