2026 жылғы 9 сәуірде Бизнес мектебінде «Жасанды интеллект және қоғам» секциясының отырысы өтті. Іс-шара студенттер, магистранттар, докторанттар және жас ғалымдардың «Жасанды интеллект және инновациялар: жаңа сынақтар мен болашақтың инженерлік шешімдері» ХІІ Халықаралық ғылыми-техникалық конференциясы аясында, Цифрландыру және жасанды интеллект жылына орай ұйымдастырылды.
Секция отырысы жоғары ғылыми-ұйымдастырушылық деңгейде өтіп, қарастырылған тақырыптардың өзектілігін және білім алушылар мен профессорлық-оқытушылық құрамның жоғары белсенділігін көрсетті. Ұсынылған зерттеулерді талқылау жасанды интеллект технологияларын қазіргі әлеуметтік-экономикалық міндеттерді шешуде қолдану бағытындағы ғылыми бастамалардың жоғары әлеуетін айқындады.
Секция жұмысының қорытындысы бойынша университеттің халықаралық ғылыми-техникалық конференция материалдары жинағында Бизнес мектебі оқытушыларымен бірлесіп дайындалған студенттер мен магистранттардың 55 ғылыми мақаласы жарияланды. Отырыс барысында 11 баяндама тыңдалды, оның ішінде 5-і орыс тілінде, 3-і қазақ тілінде және 3-і ағылшын тілінде ұсынылды. Бұл ғылыми өзара әрекеттестіктің пәнаралық және халықаралық сипатын көрсетеді.
Ұсынылған жұмыстарға сараптамалық баға берген қазылар алқасының құрамы:
- Суйеубаева Салтанат Нурболсыновна – экономика ғылымдарының кандидаты, профессор, Бизнес мектебінің жетекші ғылыми қызметкері;
- Сорокина Людмила Ивановна – экономика ғылымдарының кандидаты, қауымдастырылған профессор;
- Гранецкий Владимир Николаевич – экономика ғылымдарының кандидаты, қауымдастырылған профессор;
- Бухатова Асем Салауатқызы – Бизнес мектебінің аға оқытушысы;
- Сырымбек Маржан – Бизнес мектебінің оқытушысы.
Өткізілген іс-шара білім алушылардың зерттеу құзыреттерін қалыптастырудың маңыздылығын, сондай-ақ цифрлық технологиялар мен жасанды интеллектті экономикалық және басқару процестеріне енгізуге бағытталған ғылыми алаңдарды одан әрі дамытудың қажеттілігін көрсетті.
Конференция қорытындысы бойынша қазылар алқасының шешімімен жүлделі орындар келесі студенттерге берілді:
- 1 орын: Тоқымбай Ибрагим, Сайлаубек Мәди (ШҚТУ, Бизнес мектебі); Алмат Шыңғыс Олжасұлы (Alikhan Bokeikhanov University, Семей қ.)
- 2 орын: Бауржанов Ерасыл, Айткеш Данял (ШҚТУ, Бизнес мектебі); Кайролдин Максат (ШҚТУ, Бизнес мектебі)
- 3 орын: Ахметжолова Айсәуле, Жандосқызы Аяулым (ШҚТУ, Бизнес мектебі); Темірбекова Айша (ШҚТУ, Бизнес мектебі); Галитовская Ксения (ШҚТУ, Жоғары IT колледжі)
Сонымен қатар шақырылған қатысушылар – Алмат Шыңғыс Олжасұлы мен Галитовская Ксенияның белсенді қатысуы ерекше атап өтілді.
Барлық қатысушылар мен қазылар алқасына жоғары деңгейдегі жұмыстар мен белсенді қатысқандары үшін алғыс білдіреміз!
Жеңімпаздар мен олардың ғылыми жетекшілерін құттықтаймыз! Сіздерге үлкен табыстар мен жаңа жетістіктер тілейміз!
