Қоғамдық қауіпсіздікті нығайту және жастардың құқықтық мәдениетін арттыру мақсатында «Заң және тәртіп» идеясын жүзеге асыру аясында ШҚТУ-да кезекті ақпараттық кездесу өтті. Мұндай шаралар университетте жүйелі түрде өткізіліп, студенттер арасында алдын алу жұмыстарына елеулі үлес қосуда.
Шығыс Қазақстан облысы бойынша Экономикалық тергеп тексеру департаментінің жедел уәкілі В.Н. Толбаева студенттермен кездесіп, электрондық қаржылық қылмыстар саласындағы қазіргі қауіп-қатерлер мен вейп пайдаланудың зияндары туралы ақпарат берді.
Сөйлеу барысында спикер дропперліктің – азаматтардың заңсыз схемаларға қатысуының, яғни қылмыстық жолмен алынған ақшаны қолма-қол айналдыру немесе аудару әрекеттерінің проблемасына толықтай тоқталды. Сондай-ақ, студенттерге алаяқтардың жастарды заңсыз операцияларға тарту амалдары, күмәнді транзакцияларға қатысу үшін жеке банктік карталар мен деректерді, электрондық әмияндарды өзге адамдарға беру немесе сатудың ауыр салдарларға және заңнамалық санкцияларға әкелетіндігі түсіндірілді.
Кездесуде алдын алу шараларына көп көңіл бөлініп, студенттерге цифрлық қауіпсіздікті сақтау, жұмысқа орналасуда абай болу және оңай табысқа сыни көзқараспен қарау – заңды құрметтейтін және өз жауапкершілігін білетін азамат болып қалыптасудың маңыздылығы айтылды.
Кездесудің екінші бөлімі вейптер мен электрондық темекінің зиянына арналды. «Заң және тәртіп» нарративі аясында өз денсаулығына саналы қатынастың әлеуметтік жауапкершіліктің маңызды бөлігі екені атап өтілді. Студенттер вейптің зиянды әсерлері, тыныс алу жүйесіне ықпалы және қауіпсіздігі туралы жалған түсініктер жөнінде толық ақпарат алды.
Өткізілген алдын алу жұмысы студенттердің қазіргі қауіп-қатерлер мен олардан сақтану жолдары туралы хабардарлығын арттыруда маңызды рөл атқарды. Іс-шара құқықтық сауаттылықты нығайтып, жеке жауапкершіліктің маңыздылығын көрсетті және заң мен тәртіп принциптеріне негізделген қауіпсіз әрі саналы оқу ортасын қалыптастыруға үлес қосты.
