30 қыркүйекте Д. Серікбаев атындағы ШҚТУ Жоғары IT колледжінің 7-ОД-1р тобының студенттері Вера Александрова мен Алмагүл апайды қонаққа шақырып, жылы әрі әсерлі кездесу ұйымдастырды.
Қарттар күні қарсаңында студенттер қонақтарға арнап құттықтауларын, ізгі тілектерін және шағын мерекелік бағдарламасын дайындады. Кездесу аға буынға құрмет пен алғыс білдіруге, қонақтарға көңіл бөліп, көтеріңкі көңіл-күй мен шынайы жылы лебіз сыйлауға тамаша мүмкіндік болды.
Вера Александрова мен Алмагүл апай студенттермен қуана әңгімелесіп, өздерінің өмірлік тәжірибелерімен, қызықты оқиғаларымен және ақыл-кеңестерімен бөлісті. Кездесу өзара құрметке, ізгілікке және шынайы жылулыққа толы жағымды атмосферада өтті.
Осындай кездесулер жастардың аға буынға деген құрметін арттырып, мейірімділікке, жанашырлыққа және жақындарына қамқор болуға тәрбиелейді. Өйткені көңіл бөлу, шынайы қарым-қатынас пен жылы сөз адамға қуаныш сыйлап, жүрегіне жылу ұялатады.
