6B07109 - Медициналық инжиниринг (Медициналық техника)

Біріккен білім беру бағдарламасы

Университетте Семей медицина университетімен бірлескен білім беру бағдарламасы (БББ) «6B07109 – Медициналық инжиниринг (Медициналық техника)» әзірленіп, жүзеге асырылуда (студенттер 2-курс, 1-ші семестрде медико-биологиялық модуль пәндерін оқиды).

Оқыту күндізгі түрде, қазақ және орыс тілдерінде жүргізіледі.

Білім беру бағдарламасының ұзақтығы – 4 жыл (орта білім негізінде).

Студенттерге заманауи зертханаларға, клиникалық базаларға және өндірістік тәжірибеден өту мүмкіндіктеріне қолжетімділік беріледі.

Профильдік пәндер (ҰБТ): Математика; Физика

Цель образовательной программы

Білім беру бағдарламасының мақсаты

Инженерия, медицина және ақпараттық технологиялар саласында білімдері бар, медициналық техника саласындағы жоғары білікті инженерлерді даярлау. Олар заманауи медициналық құрылғылар мен жүйелерді жобалай, қызмет көрсетіп, енгізе отырып, ауруларды диагностикалау, емдеу және алдын алу сапасын арттыруға қабілетті мамандар болып табылады.

Кәсіби қызмет нысандары

• медициналық техника және жабдықтар;
• диагностикалау, емдеу және оңалтуға арналған құралдар мен жүйелер;
• биомедициналық датчиктер мен өлшеу құрылғылары;
• биомедициналық сигналдарды өңдеуге және бейнелеуге арналған бағдарламалық-аппараттық кешендер;
• медициналық құрылғыларды пайдалану, техникалық қызмет көрсету, жөндеу және калибрлеу үдерістері;
• медициналық техниканың қауіпсіздігі мен сенімділігін қамтамасыз ету технологиялары мен жүйелері.

Кәсіби қызмет функциялары

• медициналық техника мен құрылғыларды әзірлеу, жобалау және жаңғырту;
• медициналық жабдықтарды пайдалану, техникалық қызмет көрсету және жөндеу;
• медициналық жүйелер мен құрылғылардың сапасын, сенімділігін және қауіпсіздігін бақылау;
• биомедициналық инжиниринг саласындағы ғылыми-зерттеу және инновациялық жобаларға қатысу;
• медициналық персоналды медициналық техниканы қолдану және оған қызмет көрсету мәселелері бойынша кеңес беру.

«6B07109 – Медициналық инжиниринг (Медициналық техника)» білім беру бағдарламасының түлектері мынадай лауазымдарды атқара алады:

• медициналық техника және жабдықтар инженері;
• медициналық құрылғыларды пайдалану және техникалық қызмет көрсету инженері;
• инженер-электроник (медициналық салада);
• медициналық техниканы сервис және жөндеу жөніндегі маман;
• медициналық құрылғылардың жобалаушы немесе конструктор-инженері;
• медициналық аппаратураның метрология және техникалық бақылау инженері.

Серіктес кәсіпорындар

«6B07109 – Медициналық инжиниринг (Медициналық техника)» білім беру бағдарламасын жүзеге асыру аясында ШҚТУ денсаулық сақтау ұйымдарымен, сервистік және өндірістік компаниялармен ынтымақтасады, олардың ішінде:

• Шығыс Қазақстан облысының медициналық орталықтары мен клиникалары: «Astana Vision Oskemen» ЖШС (Көз микрохирургиясы);
• Өскемен қаласы мен өңірдің облыстық және қалалық ауруханалары: «Өскемен қалалық ауруханасы №4» ШЖҚ КМК, ШҚО КМК Көпсалалы «Онкология және хирургия орталығы»;
• Медициналық техниканы қызмет көрсету орталықтары: «МедТехСервис» ЖШС, «Ordamed» АҚ;
• Медициналық жабдықтардың дистрибьюторлары және өндірушілері: «A-Medical» ЖШС;
• Биомедициналық инжиниринг саласындағы ғылыми-зерттеу институттары мен зертханалары: «Ұлттық сараптама және сертификаттау орталығы» АҚ Шығыс Қазақстан филиалы.

Оқуды аяқтағаннан кейін білім алушыға берiледi:

«6B07109 – Медициналық инжиниринг (Медициналық техника)» білім беру бағдарламасы бойынша техника және технологиялар бакалавры дәрежесі.

Түлек білімін жалғастыра алады:

«7М07109 – Медициналық инжиниринг (Медициналық техника)» бағыты бойынша магистратура бағдарламаларында.