Этикалық комитет

«Д. Серікбаев атындағы ШҚТУ» КЕАҚ-да академиялық және қызметтік этика мәдениетін қалыптастыру және дамыту, университетте еңбек тәртібін нығайту және қамтамасыз ету мақсатында Этикалық комитет жұмыс істейді.

Этикалық комитеттің негізгі міндеттері:

1. еңбек тәртібін, академиялық адалдық нормаларын, кәсіптік этика және сыбайлас жемқорлыққа қарсы мінез-құлық стандарттарын қамтамасыз ету;
2. қызметкерлер мен студенттердің мінез-құлқына қатысты еңбек тәртібі мен этикалық талаптарға түскен өтініштер мен шағымдарды қарастыру;
3. қызметкерлер мен студенттердің этикалық нормаларды бұзуының алдын алу;
4. университеттің этикалық саясатын жетілдіру бойынша ұсыныстар дайындау;
5. академиялық ортада сенім мен ашықтықты қалыптастыру.

«ШҚТУ» КЕАҚ -дағы Этикалық комитетінің құрамына мыналар кіреді:

• тәртіптік комиссия;
• студенттердің тәртіптік комиссиясы;
• сапаны қамтамасыз ету комиссиялары.

Тәртіптік комиссия қызметкерлер тарапынан орын алған еңбек тәртібін, ҚР заңнамасын және университет ішкі ережелерін бұзушылықтарды қарастырады, оның ішінде:

• сыбайлас жемқорлық құқық бұзушылықтары (құқық қорғау органдарымен бірлесіп);
• корпоративтік этика кодексі мен корпоративтік басқару кодексінің нормаларын бұзу;
• профессор-оқытушылар құрамының негізсіз кешігуі немесе сабаққа қатыспауы;
• жауапкершілік шараларын қолдануды талап ететін тәртіп бұзушылықтар және т.б.

Студенттердің тәртіптік комиссиясы студенттер, магистранттар және докторанттардың академиялық адалдық принциптерін, университет ішкі тәртібін және этикалық нормаларды бұзушылықтарын қарастырады, оның ішінде:

• көшіріп алу (плагиат), емтихандарда басқа біреудің жұмысын жазу және басқа да академиялық адалдыққа жатпайтын әрекеттер;
• оқу корпустарында, жатақханаларда және университет шараларында тәртіп бұзушылық;
• жауапкершілік шараларын қолдануды талап ететін құқық бұзушылықтар: ескерту жасап, оқудан шығару және т.б.

Сапаны қамтамасыз ету комиссиясы оқу процесінің сапасын арттыру, білім беру бағдарламаларын жүзеге асыру бойынша оқу-әдістемелік және оқу ұйымдық жұмыс мәселелері бойынша ішкі реттеу мен кеңес беру механизмін қалыптастыру мәселелерін қарастырады, оның ішінде:

• «Д. Серікбаев атындағы ШҚТУ» КЕАҚ академиялық саясатын жаңарту;
• жоғары және жоғары оқу орнынан кейінгі білім берудің білім беру бағдарламаларын жобалаумен және жетілдірумен айналысатын академиялық комитеттердің қызметін үйлестіру;
• оқытудың және оқыту сапасын мониторингілеу, білім беру процесін жетілдіру мақсатында ұсыныстар әзірлеу және т.б.

Әр комиссия өз қызметін «Д. Серікбаев атындағы ШҚТУ» КЕАҚ ішкі нормативтік құжаттарына сәйкес жүзеге асырады.