Геодезия және картография

5B071100- Геодезия және картография Скачать жүктеу

Оқыту күндізгі және сырттай оқу түрлері бойынша жүргізіледі, мемлекеттік және орыс тілінде.

«Геодезия және картография» мамандығы бойынша бакалаврларды дайындау екі траектория бойынша жүргізіледі: «Ғарыштық геодезия» және «Қолданбалы геодезия».

Геодезия және картография - құрылыс алаңында әртүрлі инженерлік есептеулерді шешумен; материктердің жылжуын және жер қабатының өзгеруін байқаумен; әртүрлі сандық түріндегі карталар мен картографиялық проекцияларды дайындау және құрумен; жер бетіндегі жеке нүктелердің координаталарын анықтаумен айналысатын ғылымдар.

«Геодезия және картография» мамандығы бойынша бакалаврларды дайындау екі траектория бойынша жүргізіледі: «Ғарыштық геодезия» және «Қолданбалы геодезия».

Оқуды тәмамдағанда студентке академиялық дәреже беріледі - техника және технология бакалавры.

Түлектер келесі лауазымдарда жұмыс істей алады: дәрежесі жоғары деңгейдегі маман; екінші дәреженің жоғары деңгейдегі маманы; бірінші дәреженің жоғары деңгейдегі маманы.

Кәсіптік іс-әрекеттің объектілері: жердің беті; арнайы белгіленген торлар және мемлекеттік геодезиялық торлар; ғимараттар мен құрылыстардың құрылыс алаңдары; азаматтық - тұрғындық, көліктік гидротехникалық ғимараттар мен құрылыстар; пайдалы қазбалардың кен орындары; жер учаскелері; қалалық жерлер; табиғи және табиғи-антропогендік жүйелер болып табылады.

Кәсіптік іс-әрекеттің заты болып келесілер табылады: геодезиялық, астрономиялық, гравиметриялық, фотограмметриялық және картографиялық құралдар мен жабдықтар; карталар; спутниктік геодезиялық аспап, геодезиялық және картографиялық бағдарламалық өнімдер.

Түлектердің жұмысқа орналаса алатын орындары: мамандырылған топографо-геодезиялық кәсіпорындар, сәулет және құрылыс бөлімшелері, өнеркәсіптік кәсіпорындардың күрделі құрылыс бөлімдері, құрылыстық ұйымдар, ҚР жер ресурстарын басқару жөніндегі Комитеті, «Азаматтарға арналған үкімет» мемлекеттік корпорациясы коммерциялық емес акционерлік қоғамының ШҚО бойынша филиалы - «Жер кадастры ғылыми - өндірістік орталығы» департаменті, жер қатынастары басқармалары және бөлімшелері, жерге орналастыру және геодезия жұмыстарын жүргізуге лицензиялары бар жеке меншік кәсіпорындар.

Емтихан келесі пәндер бойынша тапсырылады: қазақ (орыс) тілі, Қазақстан тарихы, математика, география.

5В071100 - Геодезия және картография бакалавры 6М071100 - Геодезия мамандығы бойынша магистратурада оқуды жалғастыра алады.

«Геодезия» мамандығы бойынша магистерлік бағдарламаның негізгі талаптары:

Салалы дайындық кезінде:

  • кәсіпорындар, ұйымдар мен мемлекеттік басқару органдарына тиісті жұмыс салаларына түрлі деңгейдегі жетекшілерді дайындау;

ғылыми және педагогикалық дайындық кезінде:

  • білім беру ұйымдарындағы бакалавриат бағдарламасы бойынша тиісті ғылыми пәндерден сабақ беру үшін мамандарды дайындау;
  • ғылыми - ізденіс ұйымдарында жұмыс істеу үшін мамандарды дайындау.

Магистранттарға магистрдың екі халықаралық квалификациясын алу, оқудың екінші жылын Ресейде, Новосибирск қ., Сібір мемлекеттік геожүйелер және геотехнологиялар университетінде жалғастыру мүмкіндігі беріледі.

Магистратура оқу бағдарламасының ұзақтылығы:

  • ғылыми және педагогикалық дайындық кезінде 2 жылды құрайды;
  • салалы дайындық кезінде 1,5 жылды құрайды.

Магистратураның білім беру бағдарламасын бітірген түлекке «Геодезия» мамандығы бойынша техника және технология магистрінің академиялық дәрежесі бар мемлекеттік үлгідегі диплом беріледі.

Магистратура түлектері кәсіби қызметтердің келесі түрлерін орындай алады:

  • жобалық, өндiрiстiк - технологиялық, ұйымдастыру - басқару;
  • ғылыми ізденіс, педагогикалық.

Оқудың тәжірибелік курсын магистранттар кафедраның филиалдары «Азаматтарға арналған үкімет» мемлекеттік корпорациясы коммерциялық емес акционерлік қоғамының ШҚО бойынша филиалы - «Жер кадастры ғылыми - өндірістік орталығы» департаменті, «Алтай Геосервис» ЖШС өтеді.

2014 жылдың Қазақстан Республикасының ЖОО рейтингы бойынша бакалавриаттың 5В071100 «Геодезия және картография» мамандығы II орынға, магистратураның 6М071100 «Геодезия» мамандығы IIІ орынға ие болды.

2015 жылдың желтоқсан айында 5В071100 - Геодезия және картография, 6М071100 - Геодезия мамандықтары Мемлекеттік аттестациялаудан сәтті өтті.

Оқу түрі және мерзімі:

  • Күндізгі (4 жыл оқытылады);
  • Колледж негізіндегі сырттай оқу түрі (3 жыл);
  • Жоғарғы инженерлік білім негізіндегі сырттай оқу түрі (2 жыл);
  • Жоғарғы инженерлік емес білім негізіндегі сырттай оқу түрі (2 жыл).